Swydd Arweinydd yr Adran Bioleg CAD 2b

Swydd Arweinydd yr Adran Bioleg

CAD 2b

Mae’r ysgol yn awyddus i benodi athro/awes brofiadol ac ymroddgar i swydd llawn amser, barhaol fel Arweinydd yr Adran Bioleg yn Ysgol Gyfun Gymraeg Glantaf. Mae hon yn rôl bwysig i ddatblygu ar y cyd gydag arweinwyr eraill, adran a maes gwricwlaidd boblogaidd a hynod lwyddianus o fewn y gyfadran Wyddoniaeth.

Mae’r adran yn eithriadol o llwyddiannus a phoblogaidd yn TGAU a Safon Uwch gan ddenu niferoedd cryf i astudio o fewn y pwnc, ble mae’r canlyniadau dros y blynyddoedd diwethaf wedi bod yn ardderchog. Yn anad dim, mae’r adran yn cyfrannu at waith cydlynus, effeithiol a brwdfrydig yr Adran Wyddoniaeth gan gynnig profiadau cyffrous a chymhellgar i fyfyrwyr o fewn y MDaPh. Dyma adran sy’n falch iawn o’r niferoedd uchel sy’n dewis astudio Gwyddoniaeth Driphlyg yn TGAU ac yn parhau i astudio Bioleg fel pwnc Safon Uwch yn y Chweched Dosbarth, ble mae’r canlyniadau dros gyfnod estynedig wedi bod yn arbennig o dda. Mae’r ysgol yn frwdfrydig i ymestyn cyfleoedd a chyrsiau o fewn y maes i’r dyfodol gan ehangu cyfleoedd i addysgu yn CA5 a’r cyrsiau sydd ar gael i fyfyrwyr yn y Chweched. Bydd disgwyl i’r ymgeisydd llwyddiannus gael gweledigaeth glir o egwyddorion Dysgu ac Addysgu dynamig a blaengar a’r sgiliau rhyngbersonol i arwain tîm effeithiol a brwdfrydig. Mae’r adran yn frwdfrydig i gynnig profiadau gwerthfawr yn maes Gwyddoniaeth ac yn pwysleisio’r ehangder cyfleoedd sydd o ran dewis llwybr astudio a gyrfa o fewn y gwyddorau. Byddwch yn ymuno â thîm brwdfrydig ac effeithiol o fewn y gyfadran, sy’n hwyluso gwaith ei gilydd mewn ysbryd cymhellgar a brwdfrydig. Yn ogystal mae'r adran yn flaengar iawn i sicrhau profiadau allgyrsiol sy'n herio a chyfoethogi profiadau addysgol y disgyblion. Byddai gallu cyfrannu at y ddarpariaeth eang hon yn fantais arbennig.

Yn sgîl taith yr ysgol, rydym yn frwdfrydig i weld sut gallwn ddatblygu ymhellach ar gyfer ein plant a phobl ifanc yn sgil datblygiadau Cwricwlwm i Gymru. Bydd yn allweddol i ddatblygu profiadau addysgol gwerthfawr i ddatblygu galluoedd, brwdfrydedd a dealltwriaeth disgyblion yn gydlynus ac yn greadigol i’r dyfodol.

Yn sicr, mae’r swydd a’r ysgol yn cynnig datblygiad gyrfa cyffrous ac unigryw. Er fod y swydd hon yn fwy addas i athrawon gyda phrofiad yn y maes, byddwn â diddordeb hefyd mewn ymgeiswyr cryf, sydd yn fodlon derbyn sialens arweiniol o fewn ysgol sy’n cynnig hyfforddiant, cynhaliaeth ac arweiniad bellach.

Os hoffech fwy o fanylion am y swydd hon ac am sgwrs anffurfiol cysylltwch â’r Pennaeth, Mr Matthew Evans.

Proses Ymgeisio

Gellir ymgeisio am y swydd hon drwy ffurflen a llythyr cais yn mynegi diddordeb am ymgymryd â’r swydd. Gellir sôn am brofiad perthnasol ar gyfer y swydd hon, ynghŷd â’r weledigaeth ar sut y gellir cyfrannu ymhellach yng nghyd destun cymuned yr ysgol.

Dyddiad Cau: Hanner Dydd, Dydd Mawrth, 7 Chwefror 2023

Dyddiad dechrau y swydd: 1 Medi 2023